ბოლო კვირის განმავლობაში, ბელარუსში რუსული სამხედრო სატრანსპორტო თვითმფრინავების ფრენების რაოდენობა მნიშვნელოვნად გაიზარდა.
აღსანიშნავია, რომ 9-დან 17 ივლისამდე პერიოდში მხოლოდ მაჩულიშჩის სამხედრო აეროდრომზე სულ მცირე 10 Ил-76-ის, 2 Ан-22-ის და 3 Ан-124-ის რეისი განხორციელდა.
An-22 მსოფლიოში უდიდეს ტურბოპროპელერულ თვითმფრინავად ითვლება An-124-თან ერთად, რომელიც დიდი ზომის ტვირთის გადასაზიდად გამოიყენება.
გამოცემის ცნობით, ყველა თვითმფრინავი ბელარუსში რაღაცას გადაჰქონდა, თუმცა ტვირთი საიდუმლოდ დარჩა.
ასევე ამ კვირაში, აპრილის შემდეგ პირველად ბელარუსში ჩავიდა A-50 ტიპის ადრეული შეტყობინებისა და კონტროლის თვითმფრინავი. ის ბელარუსში ხუთი დღის განმავლობაში დარჩა და სამჯერ, თითოეული ექვსსაათიანი ხანგრძლივობით, საჰაერო სივრცეს გამანადგურებლებთან ერთად პატრულირებდა.
შეგახსენებთ, რომ ბელორუსული სამხედრო ტექნიკის კოლონა უკრაინის მოსაზღვრე ქალაქში, იელსკში, 15 ივლისს ჩავიდა. გაცხადებული მიზანი „სახელმწიფო საზღვრის გამაგრებაა“.
