ავსტრიის მეცნიერებათა აკადემიის არქეოლოგიურმა ინსტიტუტმა ოფიციალურ ვებსაიტზე გამოქვეყნებულ პრესრელიზში განაცხადა, რომ ავსტრიაში, ვენის დასავლეთით მდებარე გობელსბურგის ციხესიმაგრეში ღვინის მარნის რემონტის დროს მამონტის ძვლები აღმოაჩინეს.
ინსტიტუტის სპეციალისტები აცხადებენ, რომ ეს აღმოჩენა ქვეყანაში საუკუნეზე მეტი ხნის განმავლობაში გაკეთებულ ყველაზე ღირებულ აღმოჩენას წარმოადგენს. არქეოლოგებმა ღვინის სარდაფში მამონტის ძვლების რამდენიმე ფენა, სხვა არტეფაქტებთან და ნახშირთან ერთად აღმოაჩინეს. ყველა სხვა აღმოჩენამ ხელი შეუწყო მამონტის ძვლების ასაკის დადგენას.
მკვლევარების თქმით, მამონტის ძვლების ასეთი მკვრივი ფენა უკიდურესად იშვიათია და ეს პირველი შემთხვევაა, როდესაც ავსტრიელმა მეცნიერებმა მსგავსი რამის შესწავლა თანამედროვე ტექნიკის გამოყენებით შეძლეს.
