მოსკოვის ოლქის ქალაქ ხიმკიში, შერემეტიევოს აეროპორტთან ახლოს, ბენზინგასამართ სადგურზე ხანძარი გაჩნდა. ხანძრის შედეგად სამი ადამიანი დაშავდა, - ამის შესახებ საგანგებო სიტუაციების სამსახურს „ტასს“ განუცხადეს.
თავდაპირველად, ორი ადამიანის დაშავების შესახებ ინფორმაცია გავრცელდა, თუმცა მოგვიანებით მათი რიცხვი სამამდე გაიზარდა. „ისინი ყველა საჭირო სამედიცინო დახმარებას იღებენ. მათი დაზიანებების ხარისხი დგინდება“, - განაცხადა სააგენტოს წყარომ.
ხანძარი ორშაბათს, 30 ოქტომბერს, დილით გაჩნდა. პროპანის ავზში წნევა შემცირდა, რის შედეგადაც 60 კვადრატული მეტრის ფართობზე პალეტებს, პორტატულ მისაბმელს და ხუთ ავტომობილს ცეცხლი გაუჩნდა. ინციდენტის გარემოებებს მოსკოვის ოლქის პროკურატურა იძიებს.
