ვატიკანი ივნისში პაპ ფრანცისკეს ლიბანში ვიზიტის საკითხს განიხილავს. მას იერუსალიმში პატრიარქ კირილესთან შეხვედრა შეეძლება, რომელმაც მხარდაჭერა გამოუცხადა რუსეთის მიერ უკრაინის წინააღმდეგ წარმოებულ ომს.
ეს მათი მეორე შეხვედრა იქნება. პირველი 2016 წელს კუბაში გაიმართა და ეს იყო პირველი შეხვედრა პაპსა და რუსეთის მართლმადიდებლური ეკლესიის ლიდერს შორის 1054 წლის დიდი სქიზმის შემდეგ.
დავამატოთ, რომ პატრიარქმა კირილემ აკურთხა რუსეთის შეჭრა უკრაინის ტერიტორიაზე.
გამოცემის წყაროების ცნობით, 85 წლის პაპი ლიბანში 12-13 ივნისს ჩავა. 14 ივნისს ის იორდანიაში გაფრინდება, იქიდან კი ვერტმფრენით იერუსალიმში გაფრინდება კირილთან შესახვედრად.
ერთ-ერთმა წყარომ განაცხადა, რომ მოგზაურობის თარიღი უკვე გადაწყვეტილი იყო, თუმცა მეორემ აღნიშნა, რომ ეს რამდენიმე შესაძლო ვარიანტიდან მხოლოდ ერთ-ერთი იყო.
გავიხსენოთ, რომ ფრანცისკემ ცოტა ხნის წინ მოუწოდა უკრაინას და რუსეთს, სამხედრო ოპერაციებში სააღდგომო ზავი დაამყარონ.
