Ֆուտբոլային ասոցիացիաների միջազգային ֆեդերացիան (ՖԻՖԱ) մինչև 2024 թվականի հունիսի 30-ը երկարաձգել է օտարերկրյա մարզիչների և խաղացողների համար ռուսական ակումբների հետ պայմանագրերը կասեցնելու թույլտվությունը, հաղորդում է ՏԱՍՍ-ը՝ հղում անելով ՖԻՖԱ-ի մամուլի ծառայությանը։.
Կազմակերպության որոշման համաձայն՝ օտարերկրյա խաղացողները կարող են նաև կասեցնել իրենց պայմանագրերը Ուկրաինայի ֆուտբոլային ասոցիացիայի (ՈւՖԱ) անդամ ակումբների հետ։ Ակումբները պետք է տեղեկացվեն այս որոշման մասին մինչև 2023 թվականի հուլիսի 1-ը։.
Կանոնը չի տարածվի Ռուսաստանում կամ Ուկրաինայում ներկայումս աշխատող օտարերկրյա խաղացողների և մարզիչների վրա, կամ նրանց վրա, ովքեր 2022 թվականի մարտի 7-ից հետո պայմանագրեր են կնքել կամ երկարաձգել ռուսական կամ ուկրաինական ակումբի հետ: Խաղացողները, որոնց պայմանագրերը կասեցվել են, չեն կարողանա վաճառվել կամ վարձակալվել, ինչպես նաև չեն կարողանա պայմանագրեր կնքել Ռուսաստանի կամ Ուկրաինայի այլ ակումբների հետ:.
2022 թվականի մարտի 7-ին ՖԻՖԱ-ն թույլ տվեց ռուսական ակումբների օտարերկրյա խաղացողներին և մարզիչներին կասեցնել իրենց պայմանագրերը մինչև 2022 թվականի հունիսի 30-ը, սակայն կասեցումը հետագայում երկարաձգվեց մինչև 2023 թվականի հունիսի 30-ը։.
Ռուսական ակումբներն ու ազգային հավաքականը 2022 թվականի փետրվարից արգելված են մասնակցել ՖԻՖԱ-ի և ՈՒԵՖԱ-ի մրցաշարերին։.
