Ռուսաստանի նախագահ Վլադիմիր Պուտինը հանձնարարել է Առողջապահության նախարարությանը Սերբսկու անվան հոգեբուժության և կախվածության բժշկության կենտրոնում ստեղծել ԼԳԲՏ հետազոտական ինստիտուտ: Այս մասին հայտարարել է առողջապահության նախարար Միխայիլ Մուրաշկոն Պետդումայում տրանսգենդեր անձանց անցումն արգելող օրինագծի առաջին ընթերցման ժամանակ:.
Մուրաշկոն պատասխանել է պատգամավոր Անատոլի Վասերմանի հարցին այն մասին, թե արդյոք նախարարությունն աշխատում է «հոգեբուժական մեթոդների» հետազոտության վրա՝ այս գաղափարները [գենդերային դերերի և սեռականության մասին] իրականությանը համապատասխանեցնելու համար։.
Նախարարը նշել է, որ «այս ոլորտը նաև հետագայում կներառվի պարտադիր գիտական հետազոտությունների մեջ»։ Նա հավելել է, որ նոր ինստիտուտը կուսումնասիրի ԼԳԲՏ անձանց «մի շարք վարքային ոլորտներ, այդ թվում՝ սոցիալական վարքագիծը»։.
Մուրաշկոն նաև նշեց, որ ռուսական հետազոտական կենտրոններն արդեն հետազոտություններ են անցկացնում համասեռամոլ մարդկանց վերաբերյալ: Հստակ չէ, թե արդյոք տեղական գիտնականներն ու պաշտոնյաները քննարկում են երկրում կոնվերսիոն թերապիայի ներդրումը:.
Կոնվերսիոն թերապիան, որը փորձում է փոխել ԼԳԲՏ անձանց սեռական կողմնորոշումը կամ գենդերային ինքնությունը, ներկայումս վարկաբեկվում է ԱՀԿ-ի կողմից և ՄԱԿ-ի կողմից նույնացվում է խոշտանգումների հետ: ԼԳԲՏ ակտիվիստները ձգտում են օրենսդրական արգելքներ սահմանել նման պրակտիկայի նկատմամբ ամբողջ աշխարհում:.
2020 թվականին ավելի քան 370 կրոնական առաջնորդներ կոչ արեցին արգելել կոնվերսիոն թերապիան։ Միևնույն ժամանակ, Instagram-ը սկսեց արգելափակել կոնվերսիոն թերապիայի վերաբերյալ բովանդակությունը։.
2021 թվականին Netflix-ում թողարկվեց մի վավերագրական ֆիլմ համասեռամոլների համար նախատեսված կոնվերսիոն թերապիայի և այսպես կոչված «նախկին համասեռամոլ» շարժման մասին։ Իսկ 2022 թվականին Ֆրանսիան քրեականացրեց համասեռամոլության «բուժումը»։.
