ՆԱՏՕ-ի գլխավոր քարտուղար Յենս Ստոլտենբերգը կարծում է, որ Ուկրաինան իրավունք ունի ինքնապաշտպանության նպատակով հարձակվել իր տարածքից դուրս գտնվող ռուսական ռազմական օբյեկտների վրա։.
«Ինքնապաշտպանության օրինական իրավունքի մաս է կազմում երկրի սահմաններից դուրս գտնվող օրինական ռազմական թիրախներին հարվածելը», - ասել է Ստոլտենբերգը Ֆինլանդիայի նախագահ Ալեքսանդր Ստուբի հետ համատեղ մամուլի ասուլիսում։.
2023 թվականի հոկտեմբերին ԱՄՆ պետքարտուղար Էնթոնի Բլինկենը հայտարարեց, որ Միացյալ Նահանգները երբեք չի խրախուսել Կիևի հարվածները Ուկրաինայի սահմաններից դուրս։ Սակայն, նա պարզաբանեց. «Սրանք, ըստ էության, որոշումներ են, որոնք Ուկրաինան պետք է կայացնի»։.
Ապրիլի սկզբին Բլինկենը կրկին հայտարարեց, որ Վաշինգտոնը չի աջակցում Ուկրաինայի կողմից Ռուսաստանի տարածքին ուղղված հարվածներին և չի օգնում դրանց կազմակերպմանը։ Սա նրա պատասխանն էր այն հարցին, թե արդյոք ռուսական նավթավերամշակման գործարանների վրա հարձակումները ճիշտ ռազմավարական քայլ էին Ուկրաինայի համար։.
