Բելառուսը պատրաստ է հետ մղել ցանկացած արտաքին ագրեսիա, հայտարարել է նախագահ Ալեքսանդր Լուկաշենկոն Ռուսաստանի պաշտպանության նախարար Սերգեյ Շոյգուի հետ հանդիպման ժամանակ։ Պաշտպանության նախարարության ղեկավարը Մինսկում իր բելառուս գործընկեր Վիկտոր Խրենինի հետ ստորագրել է ռազմատեխնիկական համագործակցության թարմացված համաձայնագիր։.
Արևմտյան վերլուծաբանները նշում են, որ Մոսկվան շարունակում է ճնշում գործադրել Մինսկի վրա, սակայն կարծում են, որ պատերազմին Բելառուսի անմիջական միջամտությունը չափազանց անհավանական է՝ երկրի ներսում ստեղծված իրավիճակի պատճառով։.
Երկու կողմերի տվյալներով՝ ռազմաճակատում իրավիճակը համեմատաբար կայուն է։ Շաբաթ երեկոյան ռուսական ուժերը հրթիռային հարված են հասցրել Դոնեցկի մարզի Կրամատորսկի արդյունաբերական գոտուն։ Մոսկվան պնդում է, որ հրթիռները հարվածել են օտարերկրյա վարձկանների բնակության վայրերին։.
Ուկրաինայի արևելքում ամենալարված տարածքը մնում է Բախմուտը, որը ռուսական զորքերը անհաջող փորձում են գրավել ամռանից ի վեր։.
