Ռուսաստանում COVID-19-ի նոր՝ FLiRT շտամով վարակման 178 դեպք է հայտնաբերվել, հայտնում է «Ռոսպոտրեբնադզոր»-ը։.
«Մոնիտորինգի ողջ ժամանակահատվածում հայտնաբերվել է FLiRT նոր տարբերակների 178 դեպք, այդ թվում՝ KP.2 (երեք դեպք), KP.1.1 (հինգ դեպք) և KS.1 (170 դեպք): Դրանցից ոչ մեկը ավելի մեծ ռիսկ չի ներկայացնում, քան մյուս տարբերակները», - հայտնել է գործակալության մամուլի ծառայությունը:.
FLiRT տարբերակների ախտանիշները նման են օմիկրոն տարբերակին. ջերմություն, հազ, կոկորդի ցավ, թուլություն, գլխացավ, մկանային ցավ, համի/հոտառության կորուստ։.
Ռոսպոտրեբնադզորը երկրում COVID-19 դեպքերի աճը կանխատեսելի է անվանել։.
«Տոներից հետո մենք տեսել ենք COVID-19 դեպքերի կանխատեսվող աճ, որը կապված է տոների ընթացքում մարդկանց միջև շփումների մեծ թվի հետ», - հաղորդել է գործակալությունը։.
Օմիկրոն կորոնավիրուսի տարբերակը շարունակում է մնալ գերիշխող։.
Ճապոնական ուսումնասիրությունների արդյունքները վկայակոչելով՝ Ռոսպոտրեբնադզորը նախկինում հայտնել էր, որ KP.2 տարբերակը պակաս վարակիչ է, քան լայնորեն տարածված JN.1 ենթատարբերակը, որը մտնում է Օմիկրոնների ընտանիքի մեջ. KP.2-ի վարակիչությունը զգալիորեն (10.5 անգամ) ցածր է JN.1-ի վարակիչությունից։.
Մայիսի 21-ին Դաշնային կորոնավիրուսի աշխատանքային խումբը գրանցեց COVID-19 դեպքերի աճ Ռուսաստանում մայիսի 13-ից 19-ը։
