Եվրոպային գազի մատակարարման ընդհատումը կարող է Ռուսաստանի բյուջեին տարեկան արժենալ 6,6 միլիարդ դոլար հարկային եկամուտների կորուստ։.
Այս մասին հաղորդում է Bloomberg-ը՝ հղում անելով Ռուսաստանի կառավարության գաղտնի զեկույցին։.
Նշվում է, որ օգոստոսի 30-ին Ռուսաստանի կառավարությանը ներկայացված փաստաթուղթը «շատ ավելի մռայլ պատկեր է ներկայացնում, քան պաշտոնյաները սովորաբար ներկայացնում են իրենց լավատեսական հրապարակային հայտարարություններում»։.
Հաշվետվության համաձայն՝ Ռուսաստանի հիմնական արտահանման շուկա՝ Եվրոպա գազի մատակարարումների լիակատար դադարեցումը կարող է Ռուսաստանի բյուջեին տարեկան մինչև 400 միլիարդ ռուբլի (6.6 միլիարդ դոլարի համարժեք) արժենալ կորցրած հարկային եկամուտների տեսքով։.
Նոր արտահանման շուկաների միջոցով վաճառքի ծավալների կորուստը լիովին փոխհատուցել հնարավոր չի լինի, նույնիսկ միջնաժամկետ հեռանկարում։.
Զեկույցի հեղինակները հավելում են, որ ռուս մետաղագործները տարեկան կկորցնեն մոտավորապես 5.7 միլիարդ դոլար՝ Արևմուտքի պատժամիջոցների ազդեցության պատճառով։.
Ռուսաստանի նավթի արդյունահանման և վերամշակման արդյունաբերությունները նույնպես զգալի վնաս կկրեն ռուսական հում նավթի և նավթամթերքի դեմ Արևմուտքի պատժամիջոցների ուժի մեջ մտնելուց հետո։.
