փոխանցմամբ ի ՝ ռուսական նավթային ընկերությունները սկսել են ակտիվորեն զեղչված Ural նավթ առաջարկել Չինաստանին, այն բանից հետո, երբ Հնդկաստանը կրճատեց իր գնումները։
Գործակալության աղբյուրների փոխանցմամբ՝ առաջարկները ուղղված են ինչպես պետական, այնպես էլ մասնավոր չինական նավթավերամշակման գործարաններին, և արդեն իսկ հետաքրքրություն է ցուցաբերվել։ Առաջարկները վերաբերում են հոկտեմբեր ամսվա մատակարարումներին Ռուսաստանի արևմտյան նավահանգիստներից։.
Չինացի գնորդների համար զեղչը կազմում էր 1 դոլար մեկ բարելի համար։ Բեռները առաջարկվում են ռուս արտադրողների հետ կապված առևտրականների կողմից, մասնավորապես՝ Litasco-ի, որը Lukoil-ի հիմնական առևտրային ստորաբաժանումն է։.
Նախկինում Հնդկաստանը Urals-ի հիմնական շուկան էր, որը պատերազմի սկսվելուց հետո Ռուսաստանից իր գնումները մեծացրեց ավելի քան 20 անգամ՝ հունիսին օրական ներմուծելով մոտ 2 միլիոն բարել: Սակայն իրավիճակը փոխվեց այն բանից հետո, երբ Դոնալդ Թրամփը ստորագրեց գործադիր հրամանագիր, որով հնդկական ապրանքների վրա 25% մաքսատուրք սահմանվեց՝ Մոսկվայի հետ էներգետիկ համագործակցության պատճառով:.
Հնդկաստանի պետական նավթավերամշակման գործարանները սկսեցին հրաժարվել գործարքներից՝ ամբողջությամբ հանելով Ural-ը իրենց գնման ծրագրերից: Մասնավոր նավթավերամշակման գործարանները շարունակեցին ներմուծումը, բայց միայն այն բանից հետո, երբ ռուս մատակարարները զեղչը բարձրացրին մինչև 5 դոլար մեկ բարելի համար:.
Չինական նավթավերամշակման գործարաններն արդեն գնել են Ուրալի նավթի մի քանի բեռ, սակայն Energy Aspects-ի վերլուծաբան Ցզյանյան Սունի կարծիքով, Չինաստանը, հավանաբար, չի կարողանա լիովին փոխարինել այն ծավալները, որոնք Հնդկաստանը դադարեցրել է գնել: Նա բացատրում է, որ Չինաստանի պետական նավթավերամշակման գործարանները զգույշ կլինեն լրացուցիչ գնումների հարցում՝ Պեկինի և Վաշինգտոնի միջև առևտրային բանակցությունների ֆոնին:.
Ավելին, Urals-ը չինական պետական նավթավերամշակման գործարանների համար հիմնական տեսակը չէ, որոնք ավանդաբար գնում են Արևելյան Սիբիրյան ESPO տեսակը։ Սա սահմանափակում է Ռուսաստանի կարողությունը արագորեն վերահասցեագրել իր ամբողջ հումքի հոսքը Հնդկաստանից դեպի չինական շուկա։.
