Ուկրաինայի ոստիկանությունը հայտնել է, որ Խերսոնից նահանջող ռուսական զորքերը, ենթադրաբար, բացել են կալանավայր, որի արդյունքում ազատ են արձակվել մի քանի հարյուր բանտարկյալներ։.
Կալանավայրից փախել է 457 կալանավոր։ Նրանցից մի քանիսը դատապարտվել են ծանր հանցագործությունների, այդ թվում՝ սպանության համար։.
Ուկրաինայի Ազգային ոստիկանության ղեկավար Իգոր Կլիմենկոյի խոսքով՝ 166 փախած կալանավոր արդեն ձերբակալվել և տեղափոխվել են Օդեսայի և Նիկոլաևի մարզերի այլ կալանավայրեր։.
Բանտարկյալները փախել են կալանավայրից այն բանից հետո, երբ կալանավայրի ռուսական վարչակազմը իր զորքերի հետ միասին լքել է Խերսոնը։.
Հրատարակության տվյալներով՝ կալանավայրի աշխատակիցներից մեկը բացել է հաստատության դարպասները, ինչի հետևանքով կալանավորները փախուստի են դիմել։.
Մինչդեռ, ռուսական «Սիրենա» հրատարակությունը պնդում է, որ փախած 124 բանտարկյալ դատապարտվել է սպանության, իսկ 11-ը՝ բռնաբարության համար։.
