Թենիսի միջազգային ֆեդերացիան թույլատրել է Ռուսաստանի թենիսիստներին մասնակցել Փարիզում կայանալիք Օլիմպիական խաղերին։.
Այս մասին հաղորդել է ՏԱՍՍ-ը։ Ռուսաստանի թենիսի ֆեդերացիայի նախագահ Շամիլ Տարպիշչևի խոսքով՝ Ֆրանսիայի բաց առաջնությունից հետո վարկանիշային աղյուսակի հիման վրա որակավորված բոլոր խաղացողներին թույլատրվել է մասնակցել։ Նա նշել է, որ ոչ ոք որևէ հարց չի ունեցել։.
Դրանից կարճ ժամանակ առաջ Տարպիշչևը հայտարարեց, որ Խաղերին մասնակցելու դեպքում մենախաղում կմասնակցեն ութ ռուսաստանցիներ՝ Դանիիլ Մեդվեդևը, Անդրեյ Ռուբլյովը, Կարեն Խաչանովը, Ռոման Սաֆիուլինը, Դարիա Կասատկինան, Լյուդմիլա Սամսոնովան, Եկատերինա Ալեքսանդրովան և Միրրա Անդրեևան։.
Փարիզում կայանալիք Օլիմպիական խաղերը մեկնարկում են հուլիսի 26-ին և կտևեն մինչև օգոստոսի 11-ը։.
