Ջեյմս Բոնդի 25-րդ ֆիլմի՝ «Մահանալու ժամանակ չկա»-ի որոշ տեսարաններ կարող են վերնկարահանվել թողարկման հերթական ուշացման պատճառով։.
MGM-ը և Universal Pictures-ը նախկինում հայտարարել էին ֆիլմի թողարկման ևս մեկ հետաձգման մասին։ Սկզբնապես նախատեսված էր 2020 թվականի նոյեմբերին, սակայն պրեմիերան հետագայում հետաձգվեց մինչև 2021 թվականի ապրիլի 2-ը։.
Այժմ ֆիլմի ցուցադրությունը հետաձգվել է ևս վեց ամսով՝ մինչև հոկտեմբեր։.
Տեսարանները կարող են վերնկարահանվել Բոնդի օգտագործած սարքերի հնանալու պատճառով: Ֆիլմում ամենաժամանակակից տեխնոլոգիական սարքերը ներառող ապրանքի տեղադրման պայմանագրեր կնքած հովանավորները մտահոգված են, որ հանդիսատեսը այլևս չի տեսնի իրենց առաջատար մոդելներին, հաղորդում է The Independent-ը:.
«Սարքերի մանրամասները գաղտնի են պահվում, բայց բոլորը գիտեն, որ Ջեյմս Բոնդը միշտ օգտագործում է միայն վերջին նորարարությունները», - հրատարակությանը հայտնել է աղբյուրը։.
Խնդիրն այն է, որ որոշ գաջեթներ արդեն ծանոթ կլինեն հեռուստադիտողներին։ Մինչդեռ, խոշոր տեխնոլոգիական ընկերությունները «ցանկանում են, որ աստղերն ունենան բոլոր նորագույն, ամենախոստումնալից ապրանքները, որպեսզի կարողանան դրանք գովազդել և վաճառել երկրպագուներին»։.
«Սա նշանակում է, որ որոշ տեսարաններ պետք է շատ ուշադիր խմբագրվեն և ուսումնասիրվեն՝ թարմացնելու համար», - հավելել է աղբյուրը։.
«Մահանալու ժամանակ չկա» ֆիլմը նկարահանել է Քերի Ֆուկունագան, իսկ Բոնդի դերը մարմնավորել է Դենիել Քրեյգը, հաղորդում է ՏԱՍՍ-ը։.
