2012 թվականից ի վեր Պորտուգալիան իր «Ոսկե վիզա» ծրագրի միջոցով ներգրավել է 6.6 միլիարդ եվրոյի ներդրումներ։.
Պորտուգալիայի կառավարության կողմից «ոսկե վիզայի» ծրագիրը դադարեցնելու մտադրության պատճառով, նոյեմբերին դրա նկատմամբ հետաքրքրությունը մեծացել է գրեթե 50%-ով։.
Հիշեցնենք, որ Պորտուգալիայում «ոսկե վիզաների» միջոցով ներդրումները օտարերկրացիներին տալիս են երկրում բնակվելու իրավունք և Շենգենյան տարածքում առանց վիզայի ճանապարհորդելու հնարավորություն։.
Պորտուգալիայի արտասահմանցիների և սահմանների ծառայության տվյալները ցույց են տվել, որ «ոսկե վիզաների» միջոցով ներդրումները նոյեմբերին հոկտեմբերի համեմատ աճել են 48%-ով՝ հասնելով 65 միլիոն եվրոյի, ինչը 41%-ով ավելի է, քան նախորդ տարվա նույն ամսվա ցուցանիշը, հաղորդում է Reuters-ը։.
2012 թվականից ի վեր Պորտուգալիան իր «ոսկե վիզայի» ծրագրի միջոցով ներգրավել է 6.6 միլիարդ եվրոյի ներդրումներ, հիմնականում Չինաստանից, Բրազիլիայից և Թուրքիայից: Այս ներդրումների մեծ մասը կատարվել է անշարժ գույքի ոլորտում: Սա հանգեցրել է երկրում անշարժ գույքի և վարձակալության գների բարձրացմանը: Հետևաբար, Եվրոպական հանձնաժողովը կոչ է արել դադարեցնել նման ծրագրերը՝ անվտանգության հետ կապված մտահոգությունների պատճառով:
Պորտուգալիայի «ոսկե վիզայի» ծրագիրը
Պորտուգալիան այս ծրագիրը մեկնարկել է 2012 թվականին։ Այն բնակության թույլտվություններ է տրամադրում նրանց, ովքեր անշարժ գույքի մեջ ներդրում են կատարում ավելի քան 280,000 եվրո կամ արվեստի մեջ՝ ավելի քան 250,000 եվրո, ստեղծում են առնվազն 10 աշխատատեղ կամ երկրի տնտեսությունում ներդրում են կատարում 1.5 միլիոն եվրո կամ ավելի։.
Մարտին Պորտուգալիան որոշեց դադարեցնել «ոսկե վիզաների» տրամադրումը Ռուսաստանի և Բելառուսի քաղաքացիներին՝ Ուկրաինա ներխուժման պատճառով: Այս տարի ռուսները «ոսկե վիզաների» 10 հայտ են ներկայացրել Պորտուգալիային, սակայն բոլորն էլ մերժվել են: Ծրագրի մեկնարկից ի վեր Պորտուգալիան «ոսկե վիզաներ» է տրամադրել 431 Ռուսաստանի քաղաքացու:.
