Valve-ի և Steam-ի համահիմնադիր Գեյբ Նյուելը որոշեց անցնել վիրտուալ իրականությունից այն կողմ և բառացիորեն մուտք գործել մեր ուղեղ։.
Ըստ ի ՝ նրա Starfish Neuroscience ստարտափը նախատեսում է մինչև 2025 թվականի վերջը թողարկել նոր սերնդի ուղեղի իմպլանտ։ Սա Բիլ Գեյթսի չիպավորված ուղեղի մասին ֆանտազիան չէ, այլ իրական նախագիծ, որը կարող է փոխել բժշկական և տեխնոլոգիական իրականությունը։
Ի տարբերություն Էլոն Մասկի Neuralink-ի, որտեղ իմպլանտը թիրախավորում է ուղեղի մեկ հատված, Նյուելի թիմը նախատեսում է միաժամանակ թիրախավորել մի քանի հատվածներ: Նրանք կարծում են, որ սա բացում է ճանապարհը բարդ նեյրոդեգեներատիվ հիվանդությունների, ինչպիսիք են Ալցհայմերի, Պարկինսոնի և այլ հիվանդությունները, բուժման համար: Ավելին, նրանց տեխնոլոգիան խոստանում է լինել պակաս ինվազիվ և ավելի կոմպակտ:.
Starfish-ի առաջին չիպը լիարժեք իմպլանտ չի լինի, այլ «էլեկտրաֆիզիոլոգիական» սենսոր, որը կարող է կարդալ ուղեղի ակտիվությունը և մեկնաբանել օգտատիրոջ ցանկությունները: Ընկերության նյարդաինժեների՝ Նեյթ Չերմակի խոսքով՝ նրանք պլանավորում են սարքը ներկայացնել մինչև 2025 թվականի վերջը և արդեն փնտրում են գործընկերներ. «Մենք ակնկալում ենք, որ մեր առաջին չիպերը հասանելի կլինեն մինչև 2025 թվականի վերջը, և մենք հետաքրքրված ենք գտնել գործընկերներ, որոնց համար այս չիպը կբացի նոր և հետաքրքիր հնարավորություններ»:.
Ահա թե ինչ է հայտնի չիպի մասին
- Ձայնագրման ժամանակ էներգիայի սպառումը կազմում է ընդամենը 1.1 մՎտ։.
- Չափսերը՝ 2 x 4 մմ։.
- Ճարտարապետություն՝ 32 էլեկտրոդ, 16 ալիք, հաճախականություն՝ 18.75 կՀց։.
- Հնարավորություններ՝ ուղեղի խթանում, իմպուլսների գրանցում, անլար տվյալների փոխանցում։.
- Արտադրված է 55 նմ տեխնոլոգիայով (TSMC):.
Համեմատության համար, 1024 էլեկտրոդներով Neuralink չիպը սպառում է 6 մՎտ և արդեն տեղադրվել է երեք հիվանդների մոտ, սակայն այն բախվում է շարժման ընթացքում թելերի տեղաշարժի խնդրին: Starfish-ը կենտրոնանում է համակարգի պակաս ինվազիվության և կայունության վրա:.
Հետաքրքիր է, որ Նյուելի աշխատանքը սկսվել է խաղացողների տեսախաղերի նկատմամբ արձագանքների վերլուծությամբ: Տասը տարի առաջ Valve-ը փորձարկումներ էր անում ականջի բլթակի սենսորների հետ, և այժմ այն վերածվել է լիարժեք նեյրոտեխնոլոգիական հեղափոխության:.
Բացի իմպլանտներից, Starfish-ը աշխատում է նաև այլ հավակնոտ նախագծերի վրա՝ ուռուցքները ոչնչացնելու համար նախատեսված ջերմային զենքեր և հոգեկան խանգարումների բուժման համար նախատեսված ռոբոտացված TMS թերապիա։ Այս ամենը մեկ բանի է մատնանշում. Գեյբ Նյուելը կրկին կատարում է խաղի կանոնները փոխող քայլ։ Եվ այս անգամ՝ բժշկության և նեյրոնային ինտերֆեյսների ոլորտում։.