Ֆինլանդիայի Տուրկու քաղաքում՝ Վարտիովուորենկատու փողոցում գտնվող Ռուսաստանի գլխավոր հյուպատոսության շենքը, ռուսական դիվանագիտական առաքելության գործունեության ավարտից հետո, կանցնի Ֆինլանդիայի սեփականությանը. վարձակալության պայմանագիրը կդադարեցվի։.
Այս մասին ուրբաթ՝ սեպտեմբերի 1-ին, հայտնել է Ֆինլանդիայում Ռուսաստանի դեսպանատունը։.
Նրանք բացատրեցին, որ գլխավոր հյուպատոսության շենքը և հարակից տարածքը պատկանում են Ֆինլանդիայի պետությանը։ Ֆիննական կողմն արդեն տեղեկացրել է ռուս դիվանագետներին, որ վարձակալության պայմանագիրը դադարեցվում է, հաղորդում է «ՌԻԱ Նովոստին»։.
Ռուսաստանի դեսպանատունը նշել է, որ շենքի և տարածքի ապագա օգտագործման վերաբերյալ որոշումը կկայացնեն Ֆինլանդիայի իշխանությունները։.
Ռուսաստանի Դաշնության գլխավոր հյուպատոսությունը Տուրկուում սկսել է գործել 1967 թվականին: Այն գտնվում է Վարտիովուորենկատու փողոցի առանձին շենքում 1976 թվականից:.
Հուլիսի կեսերին Ֆինլանդիան չեղյալ հայտարարեց հյուպատոսության գործունեության վերաբերյալ իր համաձայնությունը. այն կդադարեցնի գործունեությունը 2023 թվականի հոկտեմբերի 1-ին: Քաղաքացիների ընդունելությունը հյուպատոսությունում գործնականում դադարեցվել է օգոստոսի կեսերին:.
Ֆինլանդիայի արտաքին գործերի նախարարությունը հայտարարել է, որ Տուրկուում Ռուսաստանի գլխավոր հյուպատոսության փակումից հետո դիվանագիտական առաքելության գործառույթները «կամ ամբողջությամբ կդադարեցվեն, կամ կիրականացվեն Հելսինկիում Ռուսաստանի դեսպանատանը»։.
Տուրկուի իշխանությունները Ռուսաստանի գլխավոր հյուպատոսությունից առգրավել են մի ամառանոց, որը 1970-ականներին տրամադրվել էր ռուս դիվանագետներին։.