Մայիսի 13-ին՝ Կաննի կինոփառատոնի բացման օրը, Փարիզի քրեական դատարանը դերասան Ժերար Դեպարդիեին դատապարտեց 18 ամսվա պայմանական ազատազրկման՝ սեռական ոտնձգության համար։.
Սա աստղի դեմ առաջին դատական վճիռն է, որին 20-ից ավելի կանայք մեղադրել են ոտնձգությունների մեջ։.
Դատարանը 76-ամյա դերասանին մեղավոր ճանաչեց 2021 թվականին Ջին Բեքերի «Կանաչ փեղկեր» ֆիլմի նկարահանման հրապարակում երկու կանանց նկատմամբ սեռական ոտնձգություն կատարելու մեջ։ Նրա անունն այժմ ներառված է սեռական հանցագործների ազգային ռեգիստրում։ Մեղադրողները հաշվի են առել մեղադրյալի տարիքը, առողջական վիճակը և վերաբերմունքը, «ով, ըստ երևույթին, չէր հասկանում համաձայնության հասկացությունը»։.
Զոհերը՝ 54-ամյա բեմանկարիչ Ամելին և 34-ամյա ռեժիսորի օգնական Սառան, պնդում էին, որ դերասանը իրենց դիպչել է առանց թույլտվության և անպարկեշտ դիտողություններ է արել։ Դեպարդիեն դատարան չի ներկայացել, բայց նախկինում պնդել էր. «Ես այլ ժամանակներից եմ եկել» և «չգիտեի սեռական բռնության իրավական սահմանումը»։.
Դերասանուհի Ֆանի Արդանը նրա կողմն էր. «Ես երբեք չեմ տեսել, որ նա որևէ ժեստ անի, որը ես ցնցող համարեմ»։ Ներկայումս նա ռեժիսորական աշխատանք է կատարում Դեպարդյեի նոր նախագծում։ Մինչդեռ նրա փաստաբանն արդեն հայտարարել է վերաքննիչ բողոքարկման մասին, իսկ Ամելիի փաստաբանը դատավճիռն անվանել է «զոհերի ճանաչում» և կինոարդյունաբերության մեջ փոփոխությունների խորհրդանիշ։.
«Le Monde»-ը նշել է , որ երկու հայցվորներից բացի, դատարանում ցուցմունք են տվել ևս չորս կին, որոնք մեղադրում են դերասանի կողմից 2007-2015 թվականներին տեղի ունեցած ոտնձգությունների մեջ։ Նրանցից մեկը խոստովանել է. «20 տարեկանում դժվար է գնալ ոստիկանություն և բողոքել պարոն Դեպարդյեի դեմ»։
Եվ այնուամենայնիվ, սա պատմության ավարտը չէ: Ֆրանսիացի դերասանուհի Շառլոտ Արնուն, որը գրեթե 50 տարով փոքր է Դեպարդիեից, 2018 թվականին նրա դեմ սեռական ոտնձգության մեղադրանքով հայց է ներկայացրել: Նոր դատավարություն է սպասվում:.