Կրեմլը ներկայումս նախընտրում է չմեկնաբանել Մերձդնեստրի քաղաքական ներկայացուցիչների հայտարարությունները տարածաշրջանը Ռուսաստանին «միացնելու» ծրագրերի մասին: Այս մասին այսօր հայտարարել է Ռուսաստանի նախագահի մամուլի քարտուղար Դմիտրի Պեսկովը:.
Նա ասաց, որ տեսել է այս հաղորդագրությունները լրատվամիջոցներում, բայց չգիտի, թե ինչի հետ են կապված նման հայտարարությունները։.
«Ոչ, ճիշտն ասած, ես տեսա լրատվամիջոցների հաղորդագրությունները, բայց չգիտեմ, թե դա ինչի հետ է կապված, չգիտեմ՝ ինչ գործընթացների հետ է կապված, այսինքն՝ ոչինչ չեմ կարող ասել», - լրագրողներին ասաց Պեսկովը։.
Այսօր Տիրասպոլի դիվանագիտական հարաբերությունների ղեկավար Վիտալի Իգնատևը կրկին հայտարարեց, որ Մերձդնեստրը մտադիր է անկախանալ Մոլդովայի Հանրապետությունից և հետագայում միանալ Ռուսաստանին։ Նրա խոսքով՝ «ինքնիշխանության և հանրապետության լայն ճանաչման» հայեցակարգը հաստատող միջազգային իրավական փաստարկները վաղուց հաստատված են, և «քիչ հավանական է, որ որևէ մեկը կարողանա դրանք վիճարկել»։.
Մոլդովայի վերաինտեգրման բյուրոն այսօր հայտարարել է, որ Քիշնևը և նրա միջազգային գործընկերները աջակցում են Մերձդնեստրի հակամարտության խաղաղ կարգավորման բանաձևին՝ հաշվի առնելով Մոլդովայի Հանրապետության ինքնիշխանությունն ու տարածքային ամբողջականությունը։.
