Այս մասին հայտարարվեց ԱՄՆ Ներկայացուցիչների պալատի խոսնակ Նենսի Փելոսիի Թայվան ժամանելուց հետո։.
Չինաստանի զինված ուժերը օգոստոսի 4-ից 7-ը զորավարժություններ կանցկացնեն Թայվանի շրջակայքում։.
Այս մասին ասվում է «Սինհուա» պետական լրատվական գործակալության հաղորդագրության մեջ։.
Հաղորդվում է, որ այն մտադիր է ռազմական վարժանքներ և ուսումնական միջոցառումներ անցկացնել, այդ թվում՝ մարտական հրաձգության վարժություններ, Թայվանը շրջապատող վեց շրջաններում։.
Նենսի Փելոսիի Թայբեյ ժամանումից անմիջապես հետո Չինաստանի արտաքին գործերի նախարարությունը հայտարարեց, որ նրա այցը լրջորեն ազդում է Չինաստան-ԱՄՆ հարաբերությունների քաղաքական հիմքերի վրա և խիստ բողոք հայտնեց Միացյալ Նահանգներին։.
Հիշեցնենք, որ ԱՄՆ Ներկայացուցիչների պալատի խոսնակ Նենսի Փելոսին այսօր այցելել է Թայվան։ Սա բարձրաստիճան ամերիկացի քաղաքական գործչի առաջին այցն է Թայվան 25 տարվա ընթացքում։.
Նախօրեին Պեկինը զգուշացրեց ԱՄՆ-ին «ծանր քաղաքական հետևանքների» մասին և սպառնաց, որ չի «նստի անգործ», եթե իր «ինքնիշխանությունն ու տարածքային ամբողջականությունը» սպառնալիքի տակ լինեն։.
Մինչև Փելոսիի ինքնաթիռի ժամանումը, Չինաստանը Սու-35 կործանիչներ ուղարկեց դեպի Թայվան: Լրատվամիջոցների հաղորդագրությունների համաձայն, ԱՄՆ ռազմաօդային ուժերի տասնյակ կործանիչներ միաժամանակ օդ են բարձրացել Ճապոնիայի բազաներից:.
