Զապորոժյեի ատոմակայանը էլեկտրաէներգիա չի մատակարարում օկուպացված Ղրիմ: Նման բոլոր պնդումները պարզապես ռուսական քարոզչություն են:.
«Զապորոժյեի ատոմակայանը գործում է բացառապես Ուկրաինայի էլեկտրացանցի շրջանակներում՝ կատարելով «Ուկրէներգո» կառավարման կենտրոնի հրամանները: Ուկրաինական էլեկտրաէներգիայի ոչ մի կՎտ/ժամ չի փոխանցվում կամ մատակարարվում ժամանակավորապես օկուպացված Ղրիմ», - ընդգծում է «Ուկրէներգո»-ն:.
Նշվում է, որ Ուկրաինայի էներգետիկ համակարգը որևէ կապ չունի Ռուսաստանի, Բելառուսի կամ օկուպացված Ղրիմի էներգետիկ համակարգերի հետ։.
Նշենք, որ ավելի վաղ ռուսական լրատվամիջոցները սկսել էին հաղորդել, որ Զապորոժյեի ԱԷԿ-ը, իբր, միացված է Ղրիմի էլեկտրացանցին։.
Հիշեցնենք, որ ավելի վաղ հաղորդվել էր, որ ռուս զինծառայողները Զապորոժյեի ԱԷԿ-ի առաջին էներգաբլոկի տուրբինային դահլիճում թաքցրել են առնվազն 14 միավոր ծանր ռազմական տեխնիկա՝ զինամթերքով, զենքով և պայթուցիկ նյութերով։.
