Մեծ Բրիտանիան Ուկրաինային ավելի շատ հրետանային զենք կտրամադրի, քանի որ Ռուսաստանի հետ պատերազմը մտնում է նոր փուլ։ Այս մասին հայտարարել է Մեծ Բրիտանիայի վարչապետ Բորիս Ջոնսոնը խորհրդարանում իր ելույթում, հաղորդում է Reuters-ը։.
«Սա կվերածվի հրետանային դիմակայության, նրանք հրետանային աջակցության կարիք ունեն, և դա է, ինչ մենք նրանց կտրամադրենք... բացի աջակցության շատ այլ ձևերից», - գործակալությունը մեջբերում է Մեծ Բրիտանիայի վարչապետի խոսքերը։.
Ավելի վաղ Մեծ Բրիտանիայի պաշտպանության նախարար Բեն Ուոլեսը հաստատել էր, որ Ուկրաինային տրամադրվող մահացու օգնությունը կներառի մեծ հեռահարության հրետանի, զինամթերք և զենիթային զենքեր։.
