Կրեմլը «Պուտինի գաղափարախոս» Ալեքսանդր Դուգինի դստեր՝ Դարյա Դուգինայի մոսկովյան հուղարկավորությունը վերածեց մի միջոցառման, որտեղ ներկաները ցուցադրեցին իրենց հավատարմությունը Ռուսաստանի նախագահ Վլադիմիր Պուտինին և նրա՝ Ուկրաինան ոչնչացնելու ծրագրերին։.
Պետդումայի պատգամավոր և Լիբերալ-դեմոկրատական կուսակցության առաջնորդ Լեոնիդ Սլուցկին հրաժեշտի արարողության ժամանակ իր ելույթի ժամանակ արտասանեց գերմանացի նացիստների կողմից օգտագործվող կարգախոսին նման մի կարգախոս. «Մեկ երկիր։ Մեկ նախագահ։ Մեկ հաղթանակ», - ասաց նա (նացիստական Գերմանիայում՝ «Մեկ ժողովուրդ, մեկ Ռայխ, մեկ Ֆյուրեր» – խմբ.):.
Նա նաև առաջարկեց Կիևի փողոցներից մեկը Դուգինայի անունով անվանակոչել «նացիզմից ազատագրված»։.
«Արդար Ռուսաստան» իշխանամետ կուսակցության առաջնորդ Սերգեյ Միրոնովը նույնպես խոսեց Դուգինայի մահվան մեջ ներգրավված անձանց համար «միջազգային դատարանի» մասին: Նա հայտարարեց, որ «ֆաշիզմը պետք է ոչնչացվի իր որջում, որը, ցավոք, այժմ Կիևում է»: Նա կարծում է, որ այս «ֆաշիզմի» ստեղծողները գտնվում են Վաշինգտոնում:.
Կրեմլի գլխավոր քարոզիչներից մեկը՝ Դմիտրի Կիսելևը, որը ներկա էր հուղարկավորությանը, Դուգինայի մահից հետո կոչ արեց «ավելի ուժեղանալ» և «անզիջում կերպով դենացիտիզացնել և ապառազմականացնել Ուկրաինան»։.
Դուգինայի հայրն ինքը պատմել է, որ իր դստերը սովորեցրել է, որ Ռուսաստանը կայսրություն է: Նա նաև կոչ է արել «ռուսական հաղթանակի»: Նրա խոսքով՝ «վճարվող ամենամեծ գինը կարող է արդարացվել միայն հաղթանակով»:.
Օգոստոսի 20-ին Մոսկվայի մարզում պայթեցվել է մեքենան, որում գտնվում էր «Պուտինի գաղափարախոս» Ալեքսանդր Դուգինի դուստրը՝ Դարյա Դուգինան, որը գրում էր ռուսական RT քարոզչական լրատվամիջոցի համար։.
Ուկրաինայի նախագահի աշխատակազմը հերքում է Կիևի մասնակցությունը Դուգինայի սպանությանը։.
Ռուսաստանը պնդում էր, որ Դուգինայի սպանությունը կատարել են ուկրաինական հատուկ ծառայությունները, և որ պայթուցիկ սարքը գործարկվել է հեռակառավարմամբ: Ռուսաստանի Դաշնային անվտանգության ծառայությունը (ԱԴԾ) պնդում էր, որ պայթյունի համար պատասխանատու ուկրաինուհի Նատալյա Վովկը ծառայել է Ազովի գումարտակում, սակայն գնդի զինվորները հերքել են այդ պնդումը:.
Ազգային անվտանգության և պաշտպանության խորհրդի քարտուղար Ալեքսեյ Դանիլովը հայտարարել է, որ Կրեմլի գաղափարախոս Ալեքսանդր Դուգինի դուստրը՝ Դարիան, սպանվել է ռուսական հետախուզական ծառայությունների կողմից, և Ուկրաինան որևէ առնչություն չունի դրան։.
