DST Global ֆոնդերի խմբի հիմնադիր, միլիարդատեր Յուրի Միլները հայտարարել է, որ այս ամռանը ավարտել է Ռուսաստանի քաղաքացիությունից հրաժարվելու գործընթացը։ Նա այս մասին հայտարարել է Twitter-ում։.
«Ես և իմ ընտանիքը ընդմիշտ լքեցինք Ռուսաստանը 2014 թվականին, այն բանից հետո, երբ Ռուսաստանը բռնակցեց Ղրիմը։ Եվ այս ամռանը մենք պաշտոնապես ավարտեցինք մեր ռուսական քաղաքացիությունից հրաժարվելու գործընթացը», - ասաց Միլները։.
Միլիարդատերը Իսրայելի քաղաքացիություն է ստացել 1999 թվականին։ Նա այնտեղ ապրել է մի քանի տարի՝ սկսած 2005 թվականից, ապա տեղափոխվել է Միացյալ Նահանգներ։.
Forbes-ը գրում է, որ այս տարի Միլները, 7.3 միլիարդ դոլար կարողությամբ, զբաղեցրել է 15-րդ տեղը Ռուսաստանի ամենահարուստ մարդկանց վարկանիշային աղյուսակում։.
Միլիարդատեր Ռուբեն Վարդանյանը նախկինում հրաժարվել էր Ռուսաստանի քաղաքացիությունից։.
«Ես որոշում կայացրի՝ հասկանալով իմ ստանձնած ռիսկերը, հրաժարվել Ռուսաստանի քաղաքացիությունից և տեղափոխվել Արցախ որպես Հայաստանի քաղաքացի։ Սա շատ դժվար որոշում էր ինձ համար, բայց ճիշտը», - ասաց նա։.
