Ռուսաստանի նախկին նախագահ և Ռուսաստանի Անվտանգության խորհրդի ղեկավարի ներկայիս տեղակալ Դմիտրի Մեդվեդևը անցյալ տարվա փետրվարի 24-ին Ուկրաինա Ռուսաստանի լայնածավալ ներխուժման սկսվելուց ի վեր 57 անգամ սպառնացել է միջուկային զենքով, հայտնում են ուկրաինական լրատվամիջոցները՝ հղում անելով «Սիրենա» Telegram ալիքին։.
«Սիրենա» Telegram ալիքը վերլուծել է Մեդվեդևի վերջին մեկ տարվա հրապարակային հայտարարությունները և եզրակացրել, որ ռուս քաղաքական գործիչը գրեթե ամեն անգամ, երբ խոսում է Ուկրաինայի կամ Արևմուտքի մասին, սպառնալիքներ է հնչեցնում միջուկային զենքի կիրառման կամ հարվածելու մասին Ուկրաինայի ատոմակայաններին։.
Մեդվեդևը միջուկային զենքի հնարավոր կիրառումը ամենից հաճախ արդարացնում է այն պնդմամբ, որ Միացյալ Նահանգները Երկրորդ համաշխարհային պատերազմի ավարտին միջուկային զենք է օգտագործել Ճապոնիայի դեմ, ուստի միջուկային զենքի վերաբերյալ այլևս որևէ տաբու չկա։.
Մեդվեդևը միջուկային սպառնալիքներ հնչեցրեց հատկապես հաճախ այս տարվա մարտին, հավանաբար՝ ի պատասխան Ուկրաինայի հակագրոհի։.
Մեդվեդևը պարբերաբար սպառնում է ինչպես Ուկրաինային, այնպես էլ Արևմուտքին ամբողջությամբ, ինչպես նաև առանձին երկրներին և առանձին երկրների պաշտոնյաներին։.
