Բելգորոդի մարզում Իլ-76 ինքնաթիռի վթարի հետևանքով զոհվածների մնացորդները նույնականացվել են, հայտնում է Ռուսաստանի քննչական կոմիտեն։
«Ավիավթարի վայրում հայտնաբերվել և առգրավվել են զոհերի ավելի քան 670 մարմնի մասեր, ինչպես նաև մասամբ պահպանված անձնական փաստաթղթեր», - հայտնել է Ռուսաստանի քննչական կոմիտեն իր Telegram ալիքում: Հետաքննիչները ստացել են կործանված ինքնաթիռում գտնվող բոլոր ուկրաինացի զինծառայողների գենետիկական պրոֆիլները: Փորձաքննությունը պարզել է, որ մարմնի մասերը պատկանում են վթարի հետևանքով զոհված անձնակազմի վեց անդամներին, երեք ռազմական ոստիկանության աշխատակիցներին և 65 ուկրաինացի զինծառայողների:.
Հունվարի 24-ին խոցվել է Իլ-76 ինքնաթիռը, որը գերի վերցված ուկրաինացի զինծառայողներին տեղափոխում էր նախատեսված փոխանակման վայր: Այսօր՝ փետրվարի 1-ին, Ռուսաստանի քննչական կոմիտեն պաշտոնապես հայտարարել է, որ հարձակումն իրականացվել է ԱՄՆ-ում արտադրված Patriot համակարգի MIM-104A հրթիռներով: ՏԱՍՍ-ի փոխանցմամբ՝ ՀՕՊ հրթիռային համակարգի անձնակազմը, հնարավոր է, ամերիկացի է եղել:.
