Ճապոնական Obayashi Corporation ընկերությունը, որը հայտնի է իր Tokyo Skytree նախագծով, նախատեսում է կառուցել վերելակային աշտարակ, որը թույլ կտա մարդկանց բարձրանալ տիեզերք, հայտնում է Mixnews-ը ՝ հղում անելով Business Insider-ին։
Սկզբնական նախագիծը ներկայացվել էր դեռևս 2012 թվականին և գնահատվում էր 100 միլիարդ դոլար, իսկ իրականացումը նախատեսված է 2050 թվականին։.
«Օբայաշի» կորպորացիայի մասնագետները շարունակում են մշակել էլեկտրամագնիսական սարքերով աշխատող տիեզերական վերելակի նախագիծ: Յոջի Իշիկավան նշել է, որ գիտնականները հետազոտություններ են անցկացնում և մշակում են վերելակի աշտարակի կոնցեպտը՝ միաժամանակ հաստատելով գործընկերություններ և առաջ մղելով նախագիծը:.
Ընկերությունը կարծում է, որ աշտարակային վերելակը զգալիորեն կհեշտացնի և կարագացնի տիեզերական առաքելությունները՝ ապահովելով բեռների ավելի կայուն տեղափոխում դեպի տիեզերք: Այս փուլում հիմնական մարտահրավերը վերելակի մալուխի կամ խողովակի համար բավականաչափ ամուր և երկար նյութի մշակումն է՝ առնվազն 22,000 մղոն երկարությամբ: Իշիկավան ընդգծում է, որ գիտնականները պետք է ստեղծեն նոր նյութ, որը կարող է դիմակայել այս պահանջներին:.
Տիեզերական վերելակի նախագիծը խոստանում է հեղափոխություն մտցնել տիեզերք բեռների տեղափոխման և հետազոտական առաքելությունների ոլորտում՝ դրանք դարձնելով ավելի տնտեսող և արդյունավետ։.
