Լենինգրադի ռազմական շրջանի լոգիստիկայի գծով հրամանատարի տեղակալ, գեներալ-մայոր Վալերի Մումինջանովը ձերբակալվել է առանձնապես խոշոր չափի կաշառք ստանալու մեղադրանքով: «Ինտերֆաքս»-ի փոխանցմամբ , նրան ձերբակալելու որոշումը կայացրել է 235-րդ կայազորային ռազմական դատարանը՝ քննիչների պահանջով: Մումինջանովը կալանքի տակ կմնա մինչև 2024 թվականի նոյեմբերի 2-ը:
Հետաքննիչների տվյալներով՝ Մումինջանովը, լինելով Պաշտպանության նախարարության ռեսուրսների ապահովման վարչության պետ, ստացել է ավելի քան 20 միլիոն ռուբլի կաշառք՝ Ռուսաստանի զինված ուժերին, այդ թվում՝ հատուկ ռազմական գործողությունների գոտում գտնվողներին, համազգեստ մատակարարելու պայմանագրերը կնքելու համար։ Պայմանագրերի ընդհանուր արժեքը գերազանցում է 1,5 միլիարդ ռուբլին։ Սակայն գեներալ-մայորն ինքը հերքում է կոռուպցիայի մեջ իր ներգրավվածությունը, ինչպես հայտարարել է նրա փաստաբանը, ով մտադիր է բողոքարկել դատարանի որոշումը։.
Լենինգրադի ռազմական շրջանը, որտեղ Մումինջանովը ծառայել է ձերբակալությունից առաջ, վերականգնվել է նախագահի հրամանագրով 2024 թվականին։ Այս ձերբակալությունը Ռուսաստանի զինված ուժերի ավագ հրամանատարական կազմի հետ կապված կոռուպցիայի դեմ պայքարի մի շարք հետաքննությունների ամենանշանակալի դեպքերից մեկն էր։.
