Ուկրաինական «Նաֆտոգազ» նավթագազային ընկերությունը հինգշաբթի օրը հայտարարել է, որ Հաագայի մշտական միջնորդական դատարանի արբիտրաժային դատարանը պարտավորեցրել է Ռուսաստանին ընկերությանը վճարել 5 միլիարդ դոլար փոխհատուցում՝ 2014 թվականին Ղրիմի բռնակցման հետևանքով ուկրաինական ազգային ընկերության կրած վնասների համար, հաղորդում է AFP-ն։.
«Նաֆտոգազի» գործադիր տնօրեն Ալեքսեյ Չերնիշովը հայտարարել է, որ ընկերությունը «կարևոր հաղթանակ է տարել էներգետիկ ճակատում՝ ի պատասխան Ռուսաստանի կողմից Ղրիմի բռնակցման հետևանքով կրած կորուստների։.
«Խոսքը գազի հանքավայրերի և այլ ռազմավարական նշանակություն ունեցող ենթակառուցվածքների զարգացման համար օգտագործվող ակտիվների փոխհատուցման մասին է, որը ինը տարի առաջ Ուկրաինայի թերակղզու օկուպացիայի ժամանակ դարձավ ագրեսորի հիմնական թիրախներից մեկը», - նշեց նա։.
Մշտական դատարանի Արբիտրաժային դատարանը դեռևս որևէ մեկնաբանություն չի տվել։.
«Նաֆտոգազ»-ի մամուլի ծառայությունը նշել է, որ եթե Ռուսաստանի իշխանությունները հրաժարվեն կամավոր կատարել դատարանի որոշումը, ապա, համաձայն 1958 թվականի Նյու Յորքի կոնվենցիայի, «Նաֆտոգազ»-ն իրավունք ունի հարկադիր կատարման գործընթաց սկսել այն երկրներում, որտեղ գտնվում են Ռուսաստանի ակտիվները։.
2019 թվականին Հաագայի Արբիտրաժային դատարանը որոշեց, որ Ռուսաստանը անօրինական կերպով բռնագրավել է «Նաֆտոգազի» ակտիվները Ղրիմում, իսկ 2022 թվականին սկսեց լսումներ փոխհատուցման չափի վերաբերյալ, նշում է DW-ն։.
«Նաֆտոգազ»-ը պահանջեց տասը միլիարդ դոլար։.
