Պորտուգալացի «Մանչեսթեր Յունայթեդի» ֆուտբոլիստ Կրիշտիանու Ռոնալդուն դարձել է աշխարհում առաջին մարդը, ով հասել է 500 միլիոն հետևորդի Instagram-ում։.
37-ամյա ֆուտբոլիստը վաղուց էր, որ պահպանում էր այս ցուցանիշի ռեկորդը Instagram-ում, իսկ հիմա նա դարձել է աշխարհում առաջին մարդը, որին հետևում է կես միլիարդ մարդ։.
Միայն սոցիալական ցանցի պաշտոնական հաշիվն ունի ավելի շատ բաժանորդներ (570 միլիոն):.
Սոցիալական ցանցում երկրորդ ամենահայտնի մարդը արգենտինացի Լիոնել Մեսսին է՝ ավելի քան 376 միլիոն հետևորդով։ Երրորդ տեղում մոդել Քայլի Ջեններն է՝ 372 միլիոն հետևորդով։.
Չորրորդ տեղը զբաղեցնում է երգչուհի և դերասանուհի Սելենա Գոմեսը (357 միլիոն բաժանորդ), իսկ Instagram-ում ամենահայտնի մարդկանց հնգյակը եզրափակում է հոլիվուդյան դերասան Դուեյն Ջոնսոնը (348 միլիոն բաժանորդ):.
Ռոնալդուն վերջերս իր էջում հրապարակել է իր և Լիոնել Մեսսիի լուսանկարը, որը Louis Vuitton-ի գովազդի մաս էր կազմում և անմիջապես դարձավ լրատվամիջոցների սենսացիա։ Լուսանկարն այժմ ունի ավելի քան 36 միլիոն «հավանում»։.
