Բելառուսի նախագահ Ալեքսանդր Լուկաշենկոն Ռուսաստանի պաշտպանության նախարար Սերգեյ Շոյգուի հետ հանդիպման ժամանակ հայտարարել է, որ Մինսկը անվտանգության երաշխիքների կարիք ունի հանրապետության վրա հարձակման դեպքում, ԲԵԼՏԱ-ն։
Լուկաշենկոն ասել է, որ այս հարցը քննարկել է Ռուսաստանի նախագահ Վլադիմիր Պուտինի հետ, ով աջակցել է իրեն «բոլոր ճակատներում»՝ առաջարկելով վերանայել երկկողմ համաձայնագրերը և որոշել, թե «ինչ միջպետական իրավական ակտ է անհրաժեշտ ընդունել հիմա՝ Բելառուսի լիակատար անվտանգությունն ապահովելու համար»։.
«Ընդհանուր առմամբ, բանակցությունների ընթացքում նշվել է, որ Բելառուսի դեմ ագրեսիայի դեպքում Ռուսաստանի Դաշնությունը կպաշտպանի Բելառուսը որպես իր սեփական տարածք։ Ահա այսպիսի անվտանգության երաշխիքներ են մեզ անհրաժեշտ», - հայտարարել է Լուկաշենկոն։.
Բելառուսի նախագահը կարծում է, որ արևմտյան երկրները «ոտնահարել են» Բուդապեշտի հուշագրի շրջանակներում ձեռք բերված պայմանագրերն ու համաձայնագրերը, «և անվտանգություն չկա»։ «Սա ներառում էր նաև տնտեսական անվտանգությունը։ Ի՞նչ տնտեսական անվտանգություն է սա, եթե նրանք պատժամիջոցներ են կիրառում մեր, Ռուսաստանի դեմ», - հարցրել է նա։.
Բելառուսի նախագահը նաև հավելել է, որ Մինսկն ու Մոսկվան պետք է վերանայեն գործող անվտանգության համաձայնագրերը կամ ընդունեն նորը՝ Բելառուսի լիակատար անվտանգությունն ապահովելու համար: Մինսկում կայացած բանակցությունների ընթացքում Ալեքսանդր Լուկաշենկոն և Սերգեյ Շոյգուն քննարկել են նաև Բելառուսում տեղակայված ռուս-բելառուսական համատեղ ուժերի մարտական պատրաստության հետ կապված հարցեր:.
