Լիտվացի կամավորների մի խումբ դատարկ թիթեղյա տարաները և օգտագործված ստվարաթուղթը վերածում են այսպես կոչված խրամատային մոմերի՝ այդպիսով օգնելով ուկրաինացի զինվորներին, ովքեր դրանք օգտագործում են տաքացնելու, եփելու և հագուստ չորացնելու համար։.
Կաունասում Տատյանա Նարկևիչիենեն օրական մոտ 100 նման մոմ է պատրաստում: Նա կտրված ստվարաթուղթը գլորում է և տեղադրում դատարկ տարաների մեջ, որոնք հետո լցնում է հալված մոմի և պարաֆինի խառնուրդով:.
Տատյանա Նարկևիչիենե, կամավոր. «Այս մոմը, որը պատրաստված է թյունոսի կամ կատվի կերերի դատարկ տուփից, կարող է այրվել մոտ մեկ ժամ: Զինվորի համար դա բավարար ժամանակ է թեյ պատրաստելու, մակարոնեղեն եփելու կամ տաքանալու համար»:.
Գաղափարը ծագել է լիտվացի կամավորների մոտ՝ ուկրաինացիներից, ովքեր այս մոմերն են պատրաստում՝ լուսավորելու և տաքացնելու քաղաքացիական ենթակառուցվածքների վրա ռուսական ռմբակոծության պատճառով գազից և էլեկտրաէներգիայից զրկված տները: Խրամատի մոմերի համար նյութեր, այդ թվում՝ մնացորդային մոմ և պարաֆին, հավաքվում են ամբողջ երկրում՝ եկեղեցիներից, թաղման բյուրոներից և խանութներից:.
Դալիա Տարալաիտիենե, կամավոր. «Ես այցելեցի բոլոր տեղական թաղման բյուրոները և խնդրեցի նրանց հավաքել բոլոր այն մոմերը, որոնք լիովին չէին այրվել, և չնետել դրանք։ Մենք փնտրում ենք ցանկացած հնարավորություն՝ գտնելու ռեսուրսներ, որոնք իրականում մեր շուրջն են։ Դրանք շատ կարևոր են մեզ համար»։.
Խրամատային մոմեր են արտադրվում նաև հարևան Լատվիայում և ուղարկվում Ուկրաինա այլ մարդասիրական օգնության բեռների հետ միասին։.
