Լեհաստանում լրտեսության մեղադրանքով ձերբակալվել է Սիլեզիայի Առաջին լիգայի ակումբի կազմում հանդես եկող ռուս հոկեյիստ, հաղորդում է RMF24-ը։.
Հետաքննությունը վարում է Ազգային դատախազության Լյուբլինի գրասենյակը: Լրատվամիջոցների հաղորդագրությունների համաձայն՝ ձերբակալվածը 20-ամյա տղամարդ է, որը Լեհաստանում էր 2021 թվականի հոկտեմբերից: Հետաքննիչները կարծում են, որ նա Ռուսաստանին է փոխանցել կարևորագույն ենթակառուցվածքների մասին տեղեկություններ: Քանի որ կասկածյալը, որին սպառնում է մինչև տասը տարվա ազատազրկում, կարող է փախուստի դիմել, դատարանը հրամայել է նրան ձերբակալել:.
