ԱՄՆ նախագահի թեկնածու Դոնալդ Թրամփի դեմ նոր մահափորձ է կատարվել Ֆլորիդայում՝ Թրամփի անվան Ուեսթ Փալմ Բիչի գոլֆի ակումբի մոտակայքում։.
Ինչպես հաղորդում է «Նովայա Գազետա Եվրոպա»-ն՝ CNN-ին հղումով, միջադեպը տեղի է ունեցել այն ժամանակ, երբ Թրամփը գոլֆի դաշտում էր։ ՀԴԲ-ն հետաքննություն է անցկացնում՝ միջադեպը որակելով որպես մահափորձ։
Լրագրողների խոսքով՝ կասկածյալը գոլֆի ակումբի տարածք է մտել Կալաշնիկով ինքնաձիգով՝ այն ցանկապատի միջով սահեցնելով։ Զենքը նկատել է գաղտնի ծառայության գործակալը, ով անմիջապես կրակ է բացել տղամարդու վրա։ Հարձակվողը գցել է զենքը, նստել մեքենա և փորձել փախչել, բայց շուտով ձերբակալվել է ոստիկանության կողմից։.
Կասկածյալի՝ 58-ամյա Ռայան Ուեսլի Ռոութի մոտ հայտնաբերվել են երկու մեջքի պայուսակ և GoPro տեսախցիկ: Կալաշնիկովի ինքնաձիգը հայտնաբերվել է դեպքի վայրի մոտակայքում գտնվող թփերի մեջ: ՀԴԲ-ն շարունակում է հետաքննել միջադեպի հանգամանքները և հարձակման դրդապատճառը:.
