Թռիչքի թույլտվության ժամկետը լրացել է ապրիլին։.
Թուրքիայի արտաքին գործերի նախարար Մևլութ Չավուշօղլուն հայտարարել է, որ երկիրը փակել է իր օդային տարածքը Սիրիա զինվորներ տեղափոխող ռուսական ինքնաթիռների համար։.
Այս մասին նա լրագրողներին ասել է Ուրուգվայ կատարած այցի ժամանակ, գրում է «Ենի Շաֆակը»։.
Չավուշօղլուն հայտարարեց, որ օդային տարածքը փակ է Սիրիա թռչող ռուսական ռազմական և քաղաքացիական ինքնաթիռների համար։ Թռիչքի թույլտվությունը լրացել է ապրիլին։.
Միևնույն ժամանակ, նա հիշեցրեց, որ Թուրքիան չի միացել Ռուսաստանի դեմ պատժամիջոցներին։.
«Եթե որևէ ընկերություն ցանկանում է գործունեություն ծավալել Թուրքիայում, այն պետք է գործի մեր օրենքներին համապատասխան և պահպանի միջազգային իրավունքը։ Մենք չենք հանդուրժում որևէ անօրինական գործունեություն», - նշեց նա։.
Ավելի վաղ Չավուշօղլուն հայտարարել էր, որ ՆԱՏՕ-ի կազմում կան երկրներ, որոնք ցանկանում են, որ Ուկրաինայում պատերազմը շարունակվի, քանի որ դա կարող է թուլացնել Ռուսաստանին։.
