Թաիլանդում սեռական հանցագործներին «բուժելու» են քիմիական ամորձատման միջոցով։ Այս ընթացակարգը կրճատում է նրանց բանտարկության ժամկետը։.
Այս մասին հաղորդում է բրիտանական Daily Mail թերթը: Նշվում է, որ երկիրը հույս ունի այս մեթոդի միջոցով նվազեցնել կրկնվող հանցագործությունների մակարդակը:.
Օրենքի ընդունվելուց հետո սեռական հանցագործները կկարողանան ստանալ ներարկում, որը կնվազեցնի նրանց տեստոստերոնի մակարդակը՝ ազատազրկման ժամկետը կրճատելու դիմաց։.
Գործընթացը կպահանջի երկու բժիշկների հաստատումը, իսկ հանցագործները դեռևս կլինեն հսկողության տակ 10 տարի և կկրեն էլեկտրոնային ապարանջաններ։.
Օրինագիծը, որն ընդունվել էր ստորին պալատի կողմից այս տարվա մարտին, հաստատվել էր երկուշաբթի՝ հուլիսի 11-ի ուշ երեկոյան՝ 145 սենատորի կողմ և երկու ձեռնպահ քվեարկությամբ։.
Օրենքի ընդունման համար անհրաժեշտ է Ներկայացուցիչների պալատում ևս մեկ քվեարկություն, ապա՝ թագավորական համաձայնություն։.
Հրատարակությունը նշում է, որ ուղղիչ հիմնարկների դեպարտամենտի տվյալների համաձայն՝ 2013-2020 թվականներին Թաիլանդի բանտերից սեռական հանցագործությունների համար դատապարտված և ազատ արձակված 16,413 անձանցից 4,848-ը կրկնակի հանցագործներ են եղել։.
