Էստոնիան կփորձի արգելել Շենգենյան վիզաները ռուսների համար Եվրամիության մակարդակով: Երկրի արտաքին գործերի նախարարությունը պատրաստում է այս նպատակով առաջարկ:.
Այս մասին ETV հեռուստաալիքով հայտարարել է նորանշանակ արտգործնախարար Ուրմաս Ռեյնսալուն։ Նա նշել է, որ որոշ դեպքերում պետք է բացառություններ անել Ռուսաստանի քաղաքացիների համար։.
Ռեյնսալուի խոսքով՝ կան «մարդասիրական դեպքեր», ինչպիսիք են ռուս ընդդիմադիր առաջնորդ և քաղբանտարկյալ Ալեքսեյ Նավալնիի համախոհների համար վիզաները, որոնք պետք է առանձին քննարկվեն։
«Սակայն իսկապես հեգնական է, որ Ռուսաստանի քաղաքացիները այժմ զանգվածաբար ճանապարհորդում են Ռուսաստանի արևմտյան սահմանով՝ Ֆինլանդիայով, Լատվիայով և Լիտվայով՝ այս ամռանը Լուվր այցելելու համար, մինչդեռ Ուկրաինայում երեխաներ են սպանվում: Սա, իհարկե, բարոյապես սխալ է», - բացատրեց Էստոնիայի արտաքին գործերի նախարարը:.
Ռեյնսալուն հավելեց, որ Էստոնիան պետք է գնահատի՝ արդյոք չեղյալ համարել գործող վիզաները: Հարցն արդեն քննարկվել է ԵՄ-ում մարտին, սակայն այդ ժամանակ Ռուսաստանում գործում էին կարանտինային սահմանափակումներ, և ճանապարհորդությունները այնքան տարածված չէին, որքան հիմա:.
Ռեյնսալուն հայտարարել է, որ Էստոնիայի արտաքին գործերի նախարարությունը ցանկանում է առաջիկա շաբաթներին առաջարկություններ պատրաստել Եվրամիության համար։ Նախաձեռնությունն արդեն իսկ ներկայացվել է Ֆինլանդիայի և Լատվիայի արտաքին գործերի նախարարներին։.
«Մեզ անհրաժեշտ է, որ բոլոր երկրները կողմ լինեն։ Մենք այս հարցին նոր շրջադարձ ենք կատարելու, և ես հույսս դնում եմ այս աջակցության վրա։ Այժմ իրավիճակը տարբերվում է գարնանից», - ասաց նախարարը։.
