Եվրամիությունը կկարողանա համաձայնության գալ ռուսական նավթի վրա էմբարգո սահմանելու հարցում։ Այս մասին հայտարարել է Եվրամիության արտաքին գործերի նախարար Ժոզեպ Բորելը Գերմանիայում G7-ի արտաքին գործերի նախարարների հանդիպմանը ժամանելուն պես։.
Նա նշեց, որ այն երկրները, որոնք դեմ են ռուսական վառելիքի օգտագործումից անհապաղ հրաժարվելուն, «օբյեկտիվ դժվարություններ» ունեն այլընտրանքային մատակարար գտնելու հարցում։.
Բորելը նաև հայտարարեց Կիևին տրամադրվող ֆինանսական աջակցության ավելացման մասին։.
«Ցանկանում եմ հայտարարել, որ Եվրամիությունը Ուկրաինային կհատկացնի լրացուցիչ 500 միլիոն եվրոյի ռազմական օգնության նոր տրանշ։ Այս 500 միլիոն եվրոն կհատկացվի ծանր զինամթերքի համար։ Մինչ այժմ մենք տրամադրել ենք զրահատեխնիկա, տանկեր, ծանր հրետանի, զինամթերք…» — Ժոզեպ Բորել, ԵՄ արտաքին գործերի և անվտանգության քաղաքականության հարցերով գերագույն ներկայացուցիչ։.
G7-ի նախարարական հանդիպմանը մասնակցել են նաև Ուկրաինայի և Մոլդովայի արտաքին գործերի նախարարներ Դմիտրո Կուլեբան և Նիկոլայ Պոպեսկուն։.
Մեծ Բրիտանիայի արտաքին գործերի նախարար Լիզ Թրասը նշել է, որ Եվրոպայի նպատակն է շարունակել ճնշում գործադրել Վլադիմիր Պուտինի վրա՝ Ուկրաինային ռազմական աջակցության և Ռուսաստանի դեմ նոր պատժամիջոցների միջոցով։.
Մարտի սկզբից ի վեր ԵՄ-ն Կիևին տրամադրել է 4 միլիարդ եվրոյի օգնություն, մինչդեռ Մեծ Բրիտանիան՝ մոտ 3.5 միլիարդ եվրո։.
