Մոլդովան Եվրոպական պաշտպանության հիմնադրամից կստանա 40 միլիոն եվրո, ինչը թույլ կտա նրան կրկնապատկել իր պաշտպանական ծախսերը։.
Այս մասին չորեքշաբթի՝ հունիսի 15-ին, հայտարարել է Ֆրանսիայի նախագահ Էմանուել Մակրոնը նախագահ Մայա Սանդուի հետ հանդիպումից հետո, հաղորդում է European Pravda-ն՝ հղում անելով NewsMaker-ին։.
«Այս դժվարին համատեքստում, Մոլդովային և ամբողջ Եվրոպային սպառնացող պատերազմի համատեքստում, ձեր երկիրը մեր պաշտպանական ֆոնդից կստանա լրացուցիչ 40 միլիոն եվրո, որը կկրկնապատկի ձեր ռազմական բյուջեն։ Մենք գիտենք, որ Մոլդովան պահպանում է իր չեզոք կարգավիճակը, բայց դա ոչ մի կերպ չի նշանակում երկրի ապառազմականացում», - հայտարարել է Մակրոնը։.
Հունիսի 15-ին Քիշնևում հանդիպեցին Մոլդովայի և Ֆրանսիայի նախագահները։.
Մակրոնը նշեց, որ եկել է Մոլդովային և նրա եվրոպական ուղուն աջակցություն հայտնելու, իսկ Սանդուն շնորհակալություն հայտնեց Ֆրանսիային համագործակցության և ֆինանսական օգնության համար։.
Մոլդովայի արտաքին գործերի նախարարությունը պնդում է, որ չնայած ԵՄ-ի կողմից Մոլդովային ռազմական օգնություն տրամադրելու որոշմանը, երկրի չեզոքությունից հրաժարվելու մասին խոսք անգամ չկա։.
