Խորհրդային Միության նախկին նախագահ Միխայիլ Գորբաչովը կոչ է արել վերացնել Ռուսաստանում երկարատև ամանորյա տոները։ Քաղաքական գործիչը խորհուրդ է տվել տոները ավելի հավասարաչափ բաշխել ամբողջ տարվա ընթացքում։.
Գորբաչովի խոսքով՝ չափազանց երկար արձակուրդներ վերցնելու այս սովորությունը ռուսներին մղում է չափից շատ խմելու։ «Ես կարծում եմ, որ մենք պետք է ոչ միայն չեղարկենք ռուսների համար նախատեսված երկարատև ամանորյա արձակուրդները, այլև մտածենք մայիսին երկարատև հանգստյան օրերը չեղարկելու մասին», - Ura.ru-ին հավելել է ԽՍՀՄ նախկին ղեկավարը։ Նա նշել է, որ նման օրերին մարդիկ պարզապես ծուլանում են «հեռուստացույցի առջև»։.
Գորբաչովը նաև հիշեցրել է, որ իր ղեկավարության օրոք երկրում երկարատև հանգստյան օրեր գործնականում գոյություն չեն ունեցել։.
Հիշեցնենք, որ Ռոսպոտրեբնադզորի նախկին ղեկավար և Պետդումայի ներկայիս պատգամավոր Գենադի Օնիշչենկոն նույնպես առաջարկել էր կրճատել Նոր տարվա տոները, որոնք, ըստ նրա, բացասաբար են անդրադառնում Ռուսաստանի քաղաքացիների ֆիզիկական և հոգեկան առողջության վրա: Անգործությունը, որկրամոլությունը և ալկոհոլի չարաշահումը, անշուշտ, օգտակար չեն ռուսների համար, պնդում է նախկին գլխավոր սանիտարական բժիշկը:.
