Գերմանիայի ներքին գործերի նախարար Նենսի Ֆեզերը աշխատանքից ազատել է Տեղեկատվական անվտանգության դաշնային գրասենյակի (BSI) ղեկավար Արնե Շյոնբոմին՝ Ռուսաստանի հետ կասկածելի կապերի պատճառով, հաղորդում է Deutsche Welle-ն։.
Նախարարությունը հայտարարեց Շյոնբոմի աշխատանքից ազատման մասին այն բանից հետո, երբ ZDF հեռուստաալիքը հրապարակեց հետաքննություն նրա՝ Գերմանիայի կիբերանվտանգության խորհրդի (Cyber-Sicherheitsrat Deutschland) հետ կապերի վերաբերյալ։ Հրապարակված նյութերը ցույց տվեցին, որ ասոցիացիայի հետ կապված Protelion GmbH ընկերությունը նախկինում հայտնի էր որպես Infotecs GmbH և ռուսական InfoTeKS ընկերության դուստր ձեռնարկություն էր։.
Ներքին գործերի նախարարությունը շեշտել է, որ Շյոնբոմի՝ որպես Գերմանիայի ամենակարևոր կիբերանվտանգության գործակալության չեզոք և անաչառ ղեկավարի, նկատմամբ հանրային վստահությունը «լուրջորեն խաթարվել է» այս հետաքննության հանրային քննարկումների պատճառով։.
Կիբերանվտանգության խորհուրդը մեղադրանքները անվանել է «աբսուրդ» և հայտարարել է իր քաղաքական «չեզոքության» մասին։.
Հոկտեմբերի 3-ին ամերիկացի միլիարդատեր Էլոն Մասկը Twitter-ում առաջարկեց ռուս-ուկրաինական պատերազմի ավարտի իր «տեսլականը», որի համաձայն՝ Ուկրաինան պետք է Ղրիմը զիջի Ռուսաստանին և չմիանա ՆԱՏՕ-ին։.
