Գերմանիայի խորհրդարանը հունվարի 27-ին լսումներ կանցկացնի Ուկրաինայի շուրջ անվտանգության իրավիճակի վերաբերյալ։.
Այս մասին, ըստ «Եվրոպական պրավդա»-ի, հայտնել է Գերմանիայում Ուկրաինայի դեսպան Անդրեյ Մելնիկը։.
Նրա խոսքով՝ ուկրաինական կողմի նախաձեռնությամբ լսումները կանցկացվեն «Եվրոպայում խաղաղության ապահովում. Ուկրաինայի տարածքային ամբողջականությունը չպետք է կասկածի տակ դրվի» խորագրի ներքո։.
«Բեռլինը, վերջին հաշվով, պետք է վճռականորեն գործի՝ ռուսական նոր ներխուժումը կանխելու համար», - հավելեց Անդրեյ Մելնիկը։.
Ինչպես հաղորդվում է, Լատվիայի պաշտպանության նախարար Արտիս Պաբրիկսը խստորեն քննադատել է Գերմանիայի դիրքորոշումը՝ կապված Ուկրաինային զինված աջակցություն չցուցաբերելու հետ՝ ուկրաինական սահմանի մոտ ռուսական զորքերի կուտակման ֆոնին։.
Լեհաստանի վարչապետ Մատեուշ Մորավեցկին նույնպես հիասթափություն է հայտնել Գերմանիայի դիրքորոշման վերաբերյալ՝ կապված Ուկրաինային զենքի մատակարարումը խոչընդոտելու քաղաքականության հետ՝ Ռուսաստանի զորքերի կուտակման ֆոնին։.
Կարդացե՛ք նաև «Եվրոպական պրավդա»-ի խմբագրականը. Գերմանիան պատերազմ է մղում և ոչնչացնում է իր ապագան Ուկրաինայում: Սա պետք է դադարեցվի:.
