Երկուշաբթի երեկոյան Սերբիայի և մասամբ ճանաչված Կոսովոյի միջև սահմանի անցակետերում երթևեկությունը վերականգնվել է այն բանից հետո, երբ Կոսովոյի սերբերը ապամոնտաժել են նախորդ օրը այնտեղ տեղադրված բարիկադները։.
Սերբական հեռուստատեսության թղթակիցների հաղորդմամբ, երկու սահմանային անցակետերում՝ Յարինջեում և Մերդարում, երթևեկությունը վերականգնվել է։.
Միաժամանակ, Կոսովոն սկսել է կիրառել սերբական փաստաթղթերի տերերին ժամանակավոր նույնականացման քարտեր տրամադրելու վերաբերյալ նախկինում հայտարարված կանոնները։.
Հիշեցնենք, որ կիրակի օրը մասամբ ճանաչված Կոսովոյի հյուսիսում տեղի սերբերը սկսեցին բարիկադներ կառուցել՝ բողոքելով Պրիշտինայի կողմից տրանսպորտային միջոցները և անձը հաստատող քարտերը վերագրանցելու որոշման դեմ, որը պետք է ուժի մեջ մտներ օգոստոսի 1-ից: Այդ երեկոյան նաև հաղորդագրություններ եղան կրակոցների մասին:.
Երկուշաբթի գիշերը Կոսովոյի կառավարությունը որոշեց 30 օրով հետաձգել որոշման կիրառումը՝ պայմանով, որ Կոսովոյի սերբերը բացեն ճանապարհները։.
Հյուսիսային Կոսովոն բնակեցված է էթնիկ սերբերով, ովքեր դեմ են տարածաշրջանի Սերբիայից անջատմանը։ Հետևաբար, նրանք դեռևս օգտագործում են սերբական արժույթը և ունեն սերբական քաղաքացիություն։.
Սերբիայի և Կոսովոյի միջև 2011 թվականի համաձայնագիրը նախատեսում էր Կոսովոյի հյուսիսային բնակիչների կողմից չեզոք փաստաթղթերի և համարանիշների ժամանակավոր, հնգամյա օգտագործում: Չնայած անցումային շրջանը վաղուց ավարտվել է, Կոսովոյի սերբերին Կոսովոյի համար հատուկ փաստաթղթեր ընդունել ստիպելու բոլոր փորձերը զանգվածային բողոքի ցույցեր են առաջացրել:.
