Մինսկի դատարանը Բելառուսի նախագահի նախկին թեկնածու և «Բարձր տեխնոլոգիական պարկ» կազմակերպության հիմնադիր Վալերի Ցեպկալոյին հեռակա կարգով դատապարտել է 17 տարվա ազատազրկման՝ խիստ ռեժիմի բանտում, հաղորդում է ԲելՏԱ-ն։.
Դատարանը նրան մեղավոր է ճանաչել առանձնապես խոշոր չափի կաշառք ստանալու, պաշտոնեական դիրքի չարաշահման, իշխանությունը զավթելու հրապարակային կոչերի, ծայրահեղական խմբավորում ստեղծելու, գիտակցաբար կեղծ մատնություն անելու, ծայրահեղական գործունեությունը ֆինանսավորելու, Բելառուսը վարկաբեկելու, ինչպես նաև Լուկաշենկոյին զրպարտելու և հրապարակայնորեն վիրավորելու մեջ։.
Մեղադրող կողմը պահանջեց Ցեպկալոյի համար 19 տարվա ազատազրկման դատապարտել։ 2020 թվականի գարնանը Վալերի Ցեպկալոն հայտարարեց նախագահի պաշտոնում առաջադրվելու իր մտադրության մասին, սակայն նրան մերժեցին գրանցումը։ 2020 թվականի հուլիսին Ցեպկալոն լքեց Բելառուսը։.
Մարտի սկզբին Մինսկի քաղաքային դատարանը բելառուսական ընդդիմության առաջնորդ Սվետլանա Տիխանովսկայային դատապարտեց 15 տարվա ազատազրկման՝ ուղղիչ գաղութում։.
Համակարգող խորհրդի նախկին անդամ Պավել Լատուշկոն դատապարտվել է 18 տարվա ազատազրկման՝ խիստ ռեժիմի ուղղիչ գաղութում։.
Դատարանը գործով մյուս երեք մեղադրյալներին՝ Մարիա Մորոզին, Օլգա Կովալկովային և Սերգեյ Դիլևսկուն, դատապարտեց 12 տարվա ազատազրկման։.
Բոլորն էլ գտնվում են արտասահմանում։.
