Բելառուսի արտաքին գործերի նախարար Վլադիմիր Մակեյը հայտարարել է, որ հանրապետության իշխանությունները ծրագրում են փակել դեսպանատները մի քանի երկրներում, հաղորդում է BelTA-ն։.
«Մենք կփակենք մեր դեսպանատները աշխարհի առնվազն մի քանի երկրներում, որտեղ կտեսնենք, որ նրանց աշխատանքը երկար ժամանակ չի ապահովել անհրաժեշտ արտաքին տնտեսական եկամուտներ», - ասաց նախարարը։.
Մակեյը, հղում անելով Բելառուսի նախագահ Ալեքսանդր Լուկաշենկոյին, հավելել է, որ իշխանությունները մտադիր են կենտրոնանալ իրենց ներկայությունը ընդլայնելու վրա այն տարածաշրջաններում, որոնք նրանք համարում են հեռանկարային։.
Ավելի վաղ Բելառուսի ղեկավար Ալեքսանդր Լուկաշենկոն հայտարարել էր, որ որոշ երկրներում հանրապետության դեսպանատները պահպանելու իմաստ չկա։ Նրա խոսքով՝ Բելառուսի շահերը արտասահմանում ներկայումս ներկայացնում են 70 դիվանագիտական ներկայացուցչություններ 58 երկրներում։.
