Ռուսաստանի արտաքին գործերի նախարարությունը հայտարարել է, որ ներկայումս շատ վաղ է քննարկել ռուսների համար եվրոպական սահմանների վերաբացման կոնկրետ ժամանակացույցը, հաղորդում է «ՌԻԱ Նովոստի»-ն։.
Նշվում է, որ կորոնավիրուսային վարակի սպառնալիքը դեռևս չի հաղթահարվել։ Գործակալությունը շեշտել է, որ զգուշությունն ու զգոնությունը կարևոր են վերջերս ի հայտ եկած դրական միտումները պահպանելու համար։.
«Կանոնավոր ուղևորատար ավիահաղորդակցությունը վերսկսելու որոշումը պետք է ուշադիր քննարկվի և հաշվի առնվի ինչպես մեր երկրում, այնպես էլ ամբողջ աշխարհում առկա համաճարակաբանական իրավիճակը», - նշել է նախարարությունը։.
Ավելի վաղ Եվրոպան կրկին հրաժարվեց բացել իր սահմանները Ռուսաստանի քաղաքացիների համար կորոնավիրուսի համավարակի ֆոնին։ ԵՄ մշտական ներկայացուցիչների կոմիտեի նիստում որոշում կայացվեց անփոփոխ թողնել այն երկրների ցանկը, որոնց հետ ԵՄ-ն թույլատրվում է բացել արտաքին սահմանները. Ռուսաստանը չի ներառվել։.
ԵՄ Խորհուրդը նախկինում համաձայնեցրել էր այն երկրների ցանկերը, որոնց քաղաքացիները կարող են մուտք գործել ԵՄ: Ակնկալվում է, որ ցանկը կրկին կվերանայվի: Ընտրության չափանիշները կլինեն երկրում համաճարակաբանական իրավիճակը, համաճարակի զսպման միջոցառումները և «տնտեսական և սոցիալական նկատառումները»:.
