Օլեքսի Արեստովիչը հրաժարական է տվել Ուկրաինայի նախագահի աշխատակազմի ազատ խորհրդականի պաշտոնից։ Այս մասին հաղորդում է Meduza-ն՝ հղում անելով քաղաքական գործչի Facebook-ի էջին։ Ուկրաինայի նախագահի գրասենյակը ընդունել է Արեստովիչի հրաժարականը։.
«Ես ներկայացրել եմ հրաժարականի դիմումս։ Ես ուզում եմ քաղաքակիրթ վարքագծի օրինակ ծառայել. հիմնարար սխալը նշանակում է, որ ես հրաժարական եմ տալիս», - գրել է Ալեքսեյ Արեստովիչը՝ կցելով նամակի լուսանկարը։.
Հիշեցնենք, որ Արեստովիչը նախկինում հայտարարել էր, որ Դնեպրում բնակելի շենք է ավերվել ուկրաինական ՀՕՊ համակարգերի գործողությունների արդյունքում, որոնք խոցել են ռուսական հրթիռը։.
«Այն հարվածվեց և վայրէջք կատարեց մուտքի մոտ։ Այն պայթեց վայրէջքի ժամանակ», - ասաց նա Մարկ Ֆեյգինի YouTube-յան շոուի ժամանակ։.
Ավելի ուշ Ուկրաինայի ռազմաօդային ուժերը հայտարարեցին, որ Ուկրաինան չունի նման հրթիռները որսալու միջոցներ, Դնեպրի քաղաքապետ Բորիս Ֆիլատովը պահանջեց, որ Ուկրաինայի անվտանգության ծառայությունը (SBU) արձագանքի Արեստովիչի մեկնաբանություններին, իսկ պատգամավոր Ալեքսեյ Գոնչարենկոն հայտարարեց քաղաքական գործչին պաշտոնանկ անելու միջնորդագիր ներկայացնելու մասին։.
Արեստովիչը վերջիվերջո ներողություն խնդրեց։ Նա իր Telegram ալիքում գրել է. «Ես լուրջ սխալ եմ թույլ տվել եթերում։ Անկախ նրանից, թե ինչու է հեռուստադիտողը լսել դա, այսուհետ ես ավելի խիստ կլինեմ իմ հնչեցրած տեղեկատվության հարցում։ Ես անկեղծորեն ներողություն եմ խնդրում զոհերից և նրանց ընտանիքներից, Դնեպրի բնակիչներից և բոլոր նրանցից, ովքեր խորապես վիրավորվել են բնակելի շենքի վրա ռուսական հրթիռային հարվածի պատճառի իմ վաղաժամ, սխալ տարբերակից»։.
BBC-ի ռուսական ծառայության փոխանցմամբ՝ Ուկրաինայի նախագահի աշխատակազմն ընդունել է Ալեքսեյ Արեստովիչի խորհրդականի պաշտոնից հրաժարականը։ Այս մասին հայտարարել է Վլադիմիր Զելենսկու մամուլի քարտուղար Սերգեյ Նիկիֆորովը։.
