Ավստրիայի գիտությունների ակադեմիայի հնագիտական ինստիտուտը իր պաշտոնական կայքում հրապարակված մամուլի հաղորդագրության մեջ հայտարարել է, որ մամոնտի ոսկորներ են հայտնաբերվել Վիեննայից արևմուտք գտնվող Ավստրիայի Գոբելսբուրգ ամրոցի գինու մառանի վերանորոգման աշխատանքների ժամանակ։.
Ինստիտուտի մասնագետները պնդում են, որ այս հայտնագործությունը երկրում կատարված ամենաարժեքավորն է վերջին մեկ դարից ավելիի ընթացքում: Հնագետները գինու մառանում հայտնաբերել են մամոնտի ոսկորների մի քանի շերտեր, ինչպես նաև մի շարք այլ արտեֆակտներ և փայտածուխ: Մյուս բոլոր գտածոները օգնել են լույս սփռել մամոնտի ոսկորների տարիքի վրա:.
Հետազոտողների խոսքով՝ մամոնտի ոսկորների նման խիտ շերտը չափազանց հազվադեպ է հանդիպում, և սա առաջին դեպքն է, երբ Ավստրիայի գիտնականները կարողացել են ուսումնասիրել նմանատիպ բան՝ օգտագործելով ժամանակակից տեխնիկա։.
