ի փոխանցմամբ ՝ «Աէրոֆլոտ»-ի գլխավոր տնօրեն Սերգեյ Ալեքսանդրովսկին հայտարարել է, որ ավիատոմսերի գները 2025 թվականին կբարձրանան գնաճին համապատասխան։
«Ռոսիա-24» հեռուստաալիքին տված հարցազրույցում նա ընդգծել է, որ ընկերությունը կաշխատի ծախսերի օպտիմալացման և արդյունավետության բարձրացման ուղղությամբ՝ գների աճը զսպելու համար։.
Մինչդեռ, Ռուսաստանի տրանսպորտի նախարար Ռոման Ստարովոյտը դեռևս 2024 թվականի սեպտեմբերին նշել էր, որ Ռուսաստանի ներսում թռիչքի միջին արժեքը հասել է 9,150 ռուբլու, ինչը 20%-ով ավելի է տարվա առաջին կեսի համեմատ: Գնի բարձրացման պատճառներից են ավիաընկերությունների կողմից ինքնաթիռների թռիչքային պիտանիության պահպանման ծախսերի աճը, վառելիքի գների աճը և ցամաքային ծառայությունների գների աճը:.
Ռոսստատի տվյալներով՝ գնաճը 2024 թվականին հասել է 9.52%-ի։ Չնայած Կենտրոնական բանկը կանխատեսում է, որ գնաճը 2025 թվականին կդանդաղի մինչև 4.5-5%, տնտեսական զարգացման նախարարությունն արդեն ակնարկել է, որ սպասումները կարող են վերանայվել դեպի վեր։ Տրանսպորտի նախարարության քաղաքացիական ավիացիայի վարչության տնօրեն Վերոնիկա Խոդիրևան գների աճը պայմանավորել է սուբսիդիաների կրճատմամբ և օդային ճանապարհորդությունների պահանջարկի աճով։.
