Ռուսաստանի առողջապահության նախարարությունը կքննարկի դիմակների գների սառեցման հարցը՝ կորոնավիրուսի բռնկման ֆոնին գների աճի պատճառով։ Այս մասին հայտարարել է առողջապահության փոխնախարար Դմիտրի Կոստեննիկովը «Համառուսաստանյան ժողովրդական ճակատ» երիտասարդական շարժման մամուլի ասուլիսում, հայտնում է ՏԱՍՍ-ը։.
Նրա խոսքով՝ Առողջապահության նախարարությունը կքննարկի դիմակների գների աճի հետ կապված իրավիճակը կարգավորելու բոլոր տարբերակները։.
Փոխնախարարը հիշեցրեց, որ պետությունը կարող է որոշակի ապրանքների գները 90 օրվա ընթացքում ֆիքսել։ «Սրանք կարող են լինել օրենսդրությամբ արդեն իսկ նախատեսված միջոցառումներ՝ ապահովելու, օրինակ, անհրաժեշտ սննդամթերքի մատչելիությունը արտակարգ իրավիճակների, աղետների և այլնի դեպքում», - բացատրեց նա։.
Կոստեննիկովը նաև հավելեց, որ գործակալությունը կարող է դիմակներ պահել պետական պահեստներում՝ երկրում դրանց պակասի դեպքում։.
Արդյունաբերության և առևտրի նախարար Դենիս Մանտուրովը նախկինում հայտարարել էր, որ Ռուսաստանում ներկայումս դիմակների պակաս չկա։ Արտադրողները օրական արտադրում են 1.2 միլիոն բժշկական դիմակ, ինչը լիովին բավարարում է պահանջարկը։.
Փետրվարի սկզբին Ռուսաստանի փոխվարչապետ Տատյանա Գոլիկովան հայտնեց, որ կորոնավիրուսի տարածման պատճառով որոշ դեղատներում դիմակների գինը 1,5 ռուբլուց բարձրացել է մինչև 70-100 ռուբլի։ Մեկնաբանելով այս տվյալները՝ Ռուսաստանի նախագահ Վլադիմիր Պուտինը պահանջեց չեղարկել այդ դեղատների լիցենզիաները։.
